Оставка на Заев, слобода на народот е мотото на протестите кои денеска попладне ќе се одржат во 11 градови низ Македонија.
– Продолжуваме, заедно со народот против продажбата на татковината. Народот се буди и нема назад. Срамот на Зоран Заев не е заеднички. Да не дозволиме Зоран Заев да ја менува историјата, туку да пратиме порака тој да замине во историјата, порачуваат од опозициската ВМРО-ДПМНЕ.
Партијата ги повикува граѓаните денеска (30.11.2020) во 18 часот на протест во 11 градови.
– Време е граѓаните на Крива Паланка, Кратово, Свети Николе, Неготино, Струмица, Гевгелија, Струга, Крушево, Кичево, Македонски Брод и Гостивар да се обединат против злото наречено Зоран Заев. Протест сега, за да не биде предоцна! Оставка на Заев, слобода на народот, порачуваат од ВМРО-ДПМНЕ.
