Рускиот претседател Владимир Путин тврди дека терористите од Исламска држава грабнале најмалку 700 луѓе во Сирија, меѓу кои има и американски и европски државјани, пренесуваат руски медиуми.
На пленарниот собир на Меѓународниот дебатен клуб „Валдаи“, Путин ги критикуваше САД поради, како што рече, катастрофалниот неуспех.
– Терористите од ИСИЛ упатија ултиматуми и истакнаа одредени барања, со закана дека секој ден ќе убиваат по 10 луѓе, рече Путин.
Рускиот претседател додава:
– Тоа е грозно, катастрофа, вели Путин.
Тој наведе дека меѓу заложниците има и американски и европски државјани и дека ИСИЛ го зацврсти присуството во регионот по текот на Еуфрат, кои се под контрола на САД.
– Сите молчат… Како ништо да не се случило, рече Путин.
ТАСС вчера објави дека Исламска држава на 13 октомври грабнала околу 700 заложници во сириската покраина Деир-ал Зор, по нападот на бегалски камп, во подрачје кое го контролираат силите кои ги поддржуваат САД.
Грабнати се околу 130 семејства и одведени се во градот Хаџин.
