РЕПОРТЕРИ БЕЗ ГРАНИЦИ: Во светот во 2018 година убиени најмалку 80 новинари

Најмалку 80 новинари се убиени во светот во 2018 година поради својата работа, објави невладината Репортери без граници.

Повеќе од половината убиени страдале во само пет држави: Авганистан, Сирија, Мексико, Јемен и Индија, се вели во годишен извештај за медиумски слободи објавен во Берлин.

Спотред тие податоци, 15 новинари се убиени во Авганистан, 11 во Сирија, девет во Мексико, осум во Јемен и шест во Индија. Шест новинари настрадале во САД од кои четворица загинале во напад врз Капитал Газет во Мериленд.

Во затвори се 348 новинари, најголем дел во Кина, Египет, Турција, Иран и Саудиска Арабија. Во изминатите 10 години во светот се убиени 702 новинари. Во 2018 година киднапирани се 60 новинари, шест повеќе отколку во претходната година.