Ракометната федерација на Македонија продолжува со организација на ракометни турнири за помлади пионери (У13), овојпат со учество на ракометните екипи од Западниот и Источниот регион на Македонија.
Целта на овие турнири е поттикнување на спортскиот дух, развој на младите ракометни таленти, зголемување на натпреварувачките можности и промоција на ракометот кај најмладите генерации.
ЗАПАДЕН РЕГИОН – РЕСЕН
07.11.2026 (сабота)
Почеток: 10:00 часот
Спортска сала „Зоран Стојановски“ – Ресен
ИСТОЧЕН РЕГИОН – БОГДАНЦИ
08.11.2026 (недела)
Почеток: 10:00 часот
Спортска сала „Младост“ – Богданци
Двата турнира ќе започнат во исто време, од 10:00 часот, во соодветните денови на одржување.
„Младите ракометари ќе имаат можност да ги покажат своите вештини, тимскиот дух и љубовта кон ракометот преку натпревари исполнети со спортски предизвици, дружење и нови искуства.
Ракометната федерација на Македонија продолжува со реализација на оваа иницијатива во различни региони низ државата, со цел да им овозможи на што поголем број деца активно да учествуваат во ракометните активности и да бидат дел од развојот на македонскиот ракомет.
Ги покануваме сите љубители на ракометот да ги проследат натпреварите и да им дадат поддршка на нашите најмлади ракометни надежи!
Иднината на македонскиот ракомет започнува со најмладите“, порачуваат од Ракометната Федерација на Македонија.
