Фудбалерот за врска на Рома, Лоренцо Пелегрини ќе го продолжи договорот со клубот, објави новинарот Николо Шира.

Според одличниот познавач на италијанскиот фудбал, раководството на Римјаните му понудило на 25-годишниот Италијанец договор до 2025 година со можност за продолжување на уште една сезона.

Годишната платата на фудбалерот ќе биде 3 милиони евра плус бонуси.

Минатата сезона, Пелегрини одигра 47 натпревари за Рома, на кои постигна 11 голови и направи 10 асистенции.