Ентони Фаучи, директор на американскиот Национален институт за алергија и заразни болести, се надева дека благодарение на масовната кампања за вакцинација, бројот на починати од коронавирус во земјата нема да надмине еден милион луѓе, јави Си-Ен-Ен.
– Се надевам дека тоа нема да се случи, рече тој. И сигурен сум дека таквото сценарио не може да се смета за неизбежно. Ги имаме сите можности да го сториме тоа – сигурни и ефективни вакцини, и во теорија и во пракса. Ако поголемиот дел од населението е вакцинирано, тоа дефинитивно нема да се случи, рече експертот за заразни болести. Тој потсети дека најмалку 70 милиони Американци имаат право на бесплатна вакцина, „но се уште не ја примиле“.
Според Универзитетот Џонс Хопкинс, кој пресметува врз основа на информации од федерални и локални власти, повеќе од 42 милиони случаи на инфекција со коронавирус се пријавени во САД од почетокот на пандемијата, а повеќе од 673.000 луѓе починале. Земјата е рангирана на прво место во светот по двата показатели.
