СДСМ: Со нас платите и пензиите ќе растат, за 6 години ја зголемивме минималната за 4 пати, во март ќе ја качиме на 22.500 денари

СДСМ го продолжува растот на платите и пензиите. Од месец март следува ново покачување на минималната плата, на 22.500 денари, соопшти денеска СДСМ.

Во продолжение целото соопштение од владејачката партија:

Во изминативе 6 години, СДСМ ја зголеми минималната плата за 4 пати.

За само неколку години СДСМ ја зголеми минималната плата за над 100% во споредба со времето на ДПМНЕ.

Со праведни и успешни економски политики СДСМ успеа просечната плата да ја покачи на 39.000 денари, за разлика од времето на ДПМНЕ кога изнесуваше едвај 22 илјади денари.

Денес, просечната плата е за 300 евра повисока во однос на 2016 година.

Воведовме законски решенија, коишто во себе содржат методологија за раст врз основа на зголемувањето на трошоците за живот и зголемувањето на просечната плата.

Со СДСМ платите и пензиите ќе продолжат да растат.

СДСМ – Центар за комуникации со јавноста