ШЕФОВИТЕ НА ЦИА И МИ6: Од клучно значење е борбата против доминација на Русија, но Кина е главната цел и закана за Западот

Шефот на ЦИА Вилијам Барнс и шефот на британската разузнавачка служба Ричард Мур излегоа од вообичаената тајност при работењето на нивните служби, сакајќи јасно да стават до знаење дека за вредностите и интересите на либералната демократија на Западот, сега, во изменетиот свет, од клучно значење е борбата против обидот на Русија да доминира барем со дел од Украина и соочување со главната закана – Кина.

Кина е во подем на економски, технолошки и воен план и сака да го преуреди светскиот поредок на свој начин, велат Барнс и Мур во интервју за бриселскиот портал „Политико“.

Во своето излагање пред дипломатско-разузнавачката елита на Британскиот институт Дичли, Барнс го истакна големото значење на блиската соработка меѓу ЦИА и МИ6 и нагласи дека „добата по Студената војна е целосно завршена“ и рече дека тие заедно со своите сојузници и партнери сега треба да гарантираат „свет кој ќе биде слободен, отворен, безбеден и свет на подобрување“.

„Успехот во ова зависи од тоа како ќе се справиме со три предизвици… првиот е стратешкото ривалство со амбициозната и растечка Кина, како и Русија, која постојано не потсетува дека опаѓачките сили можат да бидат исто толку поразителни како и оние во подем“, презентираше шефот на ЦИА.

„Вториот предизвик“, вели Барнс, „се неволјите без пасоши, како што се климатските кризи и глобалните пандемии, кои се надвор од дофатот на која било земја и стануваат сè поакутни и витални за животот и опстанокот“.

Сличен став за состојбата и проблемите во светот даде и Мур, а и двајцата предупредуваат дека третиот голем предизвик за светот е исто така „технолошката револуција која го менува нашиот начин на живот, работа, борба и конкуренција“ и укажуваат на големи сомнежи и нервози од неконтролираната примена на вештачката интелигенција.

– И тоа со себе носи можности и опасности кои се уште не сме ги виделе, рече Барнс, нагласувајќи дека трите предизвици со себе носат конфликти, како и неизбежност од светскат соработка, но и големо ривалство во совладувањето на технолошката револуција.

Шефот на МИ6 и шефот на ЦИА се согласуваат дека „непосреден и најжесток геополитички предизвик за меѓународниот поредок е инвазијата на Владимир Путин на Украина“.

Мур вели дека треба да се разберат сомнежите за досегашната  малку успешна украинска контраофанзива против руските сили и стравот од руски контранапад и затоа „тоа е тежок потфат и украинските власти и војници не отстапуваат… а Русите поставија одбрана која многу тешко се крши“.

Мур дозволува и можност за мировни преговори, па вели дека „никој не сака да го понижи Путин и големиот руски народ…повеќето конфликти завршуваат со преговори, но за тоа треба да одлучи Украина, а не ние“.

Тој повторува дека ставот на западните сојузници и помагачи на Украина е Киев да преговара од позиција на сила.

Барнс, кој беше и американски амбасадор во Москва, истакнува дека „поминал повеќе од две децении обидувајќи се да ја разбере и да се спротивстави на запалливата мешавина на чувства на неправда, амбиција и несигурност што Путин ја носел во себе“.

Шефот на ЦИА подвлекува дека „Украинците покажаа дека нема да отстапат, исто како и сите ние кои ја поддржуваме Украина“.

Заклучокот на Барнс е дека „војната на Путин веќе се претвори во стратешки неуспех на Русија, нејзината воена слабост излезе на виделина, нејзината економија е колабирана многу години, нејзината иднина е да биде помал партнер и економска колонија на Кина… НАТО стана уште посилен“.

Шефот на ЦИА смета дека бунтот на паравоената формација „Вагнер“ и „корозивниот ефект на војната на Путин врз неговото општество и неговиот режим“ укажуваат на тоа.

Водачите на американските и британските разузнавачки служби се согласуваат дека за Западот Кина е далеку поголем предизвик од Русија, „која е единствената земја што сака да го преобликува меѓународниот поредок и истовремено да ја зголеми својата економска, дипломатска, воена и технолошка моќ. ”

Трансформацијата на Кина во изминатите пет децении е восхитувачка, велат Барнс и Мур, но тие веруваат дека големата моќ што ја стекна претседателот Си Џинпинг „наместо да се користи за зајакнување на меѓународниот поредок што ја овозможи кинеската трансформација, сега е насочена кон нејзино преобликување. ”

Барнс, исто така, заклучува дека „невозможно е да се игнорира фактот дека во ова ново време нашето ривалство расте врз основа на економската меѓузависност и трговските врски“.

Шефот на ЦИА смета дека тоа доведе и до „стратешки зависности, критични ранливости и сериозни закани за нашата безбедност и напредок… но би било лудо да ги прекинеме врските со економија како Кина, туку мораме значително да ги намалиме опасностите , да обезбедиме синџири на снабдување, заштита на нашиот технолошки развој и инвестирање во индустриски капацитети“.