Никогаш информациите не ги криевме од јавноста, изјави денеска министерката за одбрана, Радмила Шекеринска и додаде дека доколку сакале можеле да сокријат дека капарт за кинеските и беше вратен на Македонија.
-Сакам да зборувам за работи кои што целосно ги познавам и во кои сум учествувала, мислам дека најсоодветно е да не се мешаме во работи во којшто информациите ги имаме од Влада, но и од она што јавноста е достапна. Ако нешто можевте да забележите во изминатава година, и мислам дека тоа понекогаш може да нѐ прави и послаби, меѓутоа мислам како држава тоа е чекор во вистинска насока, тоа е дека никогаш информациите не ги криевме од јавноста, и кога се добри вести, и кога се лоши вести. Можеше ова да не го кажеме, за да добиваме помалку прашања, но тоа не е начин на кој функционира оваа Влада. Подобро е да ги кажеме проблемите со кои се соочуваме, рече Шекеринска одговарајќи на новинарско прашање.
Министерката Шекеринска го релативизира проблемот што Македонија е без вакцини и вели дека за истите „фрустрации и незадоволство од набавката на вацини може да се слушне од многу земји членки на ЕУ“.
-Најголемата група на земји која што во принцип се сметаше дека ќе го диктира темпото, но дури и тие се соочија со проблеми со дел од производителите и со обезбедување на потребните количини, тврди Шекеринска.
Министерството за здравство вчера официјално потврди дека го повлекло авансот што од Владата беше уплатен за набавка на кинеските вакцини од „Синофарм“.
