Сколс: Нападот на Јунајтед е во најдобрите во Европа

Нападот на Манчестер Јунајтед е еден од најдобрите во Европа, според легендата на тимот Пол Сколс.

„Црвените ѓаволи“ победија со 2:0 против Барнли со головите на Антони Марсијал и Маркус Рашфорд, што ги крена на петтото место во пласманот во Премиер лигата.

– Офанзивното трио е еднакво на најдобрите во Европа, кога игра според своите можности. Марсијал, Рашфорд и Џејмс се одлични играчи. И можеме да го додадеме Мејсон Гринвуд на нив. Играта зад нив, сепак, ме вознемирува. Да, знаеме што може Погба, кога е фокусиран и расположен. Тогаш тој е веројатно најдобриот играч од средниот ред во светот. Но, сè околу него не изгледа доволно за тим како Јунајтед, рече тој во интервјуто за „БТ Спорт“.

Следниот натпревар на Јунајтед е гостување кај Арсенал.