Вкупно 146 мерки се изречени во рамки на засилените сообраќајни контроли вчера на територијата на град Скопје, меѓу кои за возење повеќе од дозволената брзина 31 санкција.

МВР денеска соопшти дека од нив, шест се прекршоци што ги чинат возачите на мотоцикли, шест санкции за возачи – почетници, а 11 санкции се за управување без возачка дозвола.

– Исто така, изречени се 18 санкции за возење под дејство на алкохол, три санкции за користење мобилен телефон, четири санкции за минување на затворен сигнал (црвено светло), четири санкции за управување на нерегистрирани возила, 44 санкции за непрописно паркирање, се наведува во соопштението од МВР.