Стејт департментот соопшти дека интересите на Вашингтон и на Пекинг околу прашањето за Северна Кореја во голем степен се совпаѓаат.
Портпаролот на Стејт департментот, Нед Прајс истакна дека „американската администрација е убедена оти интересите на САД и Кина во однос на нуклеарните и ракетните програми на Северна Кореја барем делумно се совпаѓаат“.
– Севернокорејската политика е една од областите, во кои нашите интереси се заеднички, барем делумно. Затоа веруваме дека има простор за дискусија со Кина кога станува збор за предизвиците поставени од нуклеарните и ракетните програми и други заканувачки активности од страна на Пјонгјанг, изјави Прајс
Според него, ова е причината зошто Вашингтон го информирал Пекинг за резултатите од преразгледувањето на својата политика кон Пјонгјанг, поради што САД „во различни формати“ комуницирале со Кина за решавање на ситуацијата околу Северна Кореја.
Како што потсети Прајс, американскиот заменик државен секретар Венди Шерман викендов ќе го посети Пекинг.
– Очекувам дека за комплетноста на односите меѓу САД и Кина, вклучително и областите на соработка и несогласувања, ќе се дискутира на претстојните разговори спроведени од Шерман, нагласи портпоралот на Стејт департментот.
