Четири лица загинаа, а 15 се повредени, од кои тројца потешко, во сообраќајна несреќа што се случи во турската покраина Испарта кога туристички автобус се преврте, објавија тамошните локални медиуми.
Несреќата се случила во округот Гелендост на патот Испарта-Коња, во близина на селото Багли, кога автобусот што превезувал туристи од непознати причини ја изгубил контролата и се превртел, објави агенцијата Анадолу.
На местото на настанот беа испратени служби за итни случаи, пожарникари, жандармерија, полиција и Управата за управување со катастрофи и вонредни состојби (AFAD), објави Блиц, повикувајќи се на Танјуг.
Повредените се префрлени во блиските болници.
Причината за несреќата засега е непозната, а истрагата е во тек.
