Поранешниот американски претседател Доналд Трамп смета дека актуелниот лидер Џо Бајден треба да им се извини на Американците за повлекувањето на војниците од Авганистан. Ова се наведува во изјавата на Трамп, објавена доцна синоќа.
„Џо Бајден мора да и се извини на Америка што војската се повлече од земјата пред да заминат цивилите и дека напушти воена опрема во вредност од 85 милијарди долари“, рече Трамп. Според републиканецот, под водство на неговата администрација, повлекувањето на американските војници не би би се претворило во катастрофа.
Во вторникот, Трамп за Фокс њуз изјави дека повлекувањето на САД од Авганистан, под раководство на Бајден, е „најголемото понижување за САД“. „Ова е нешто што ќе влијае на нашите (меѓународни) односи со децении“, оцени поранешниот американски претседател.
Талибанските борци влегоа во Кабул без борби на 15 август и воспоставија целосна контрола врз главниот град на Авганистан за неколку часа.
