ТВ куќи во регионот: Пинк веќе не е прв, меѓу големите риби е и ТВ Сител

Според анализата на приходите на 20 најголеми комерцијални ТВ куќи во регионот се забележуваат поголеми промени – првата е дека српска Пинк веќе не е прва.

Словенечката Про Плус која ги емитува каналите Поп ТВ и Канал А е на прво место со приходи од 61,9 милиони евра. Со анализата на комерцијалните телевизии четири хрватски ТВ куќи лани оствариле приход од 102,7 милиони евра. Меѓу големите телевизиски риби е една и од Македонија – Сител телевизијата со остварен приход во 2017 година од 7,34 милиони евра.

На листата има дури осум куќи од Србија, четири од Хрватска, четири од Босна и Херцеговина, три од Словенија, една од Македонија, а од Црна Гора нема ниту една ТВ.

По Словенците, на втората позиција е Нова ТВ која лани забележала приход од 52,5 милиони евра. Како најголемо изнеадување е Пинк интернационлал на Жељко Митровиќ која во 2016 имала приходи од 57,9 милиони,  лани забележала пад од цели 5,5 милиони евра. Не е тајна дека Митровиќ се соочува со финансики проблеми.