УХМР: Во Берово утрово зимски минус два степена, преку денот ќе биде сончево со слаб јужен ветер и температура до 23 степени

Во Берово утрово се измерени минус два степена, во Струмица еден, Битола два, Тетово три, пет во Скопје, а седум степени во Охрид, соопшти УХМР.

Претпладне по котлините ќе има магла или ниска облачност. Преку денот ќе биде претежно сончево со слаб ветер од јужен правец. Максималната температура ќе достигне од 16 до 23 степени.

Во Скопје претпладне со магла или ниска облачност, а потоа петежно сончево со слаб променлив ветер. Максималната температура ќе достигне до 20 степени.

Фото: МИА