Украинскиот министер за одбрана Евгениј Хмара денеска изјави дека Киев сака да искористи дел од заемот на Европска Унија наменет за следната година за да помогне во покривањето на буџетскиот дефицит од 27 милијарди долари оваа година.
Тој додаде дека воениот план на Киев „треба да биде јасен за партнерите на Украина, како и за целата воена команда“.
Хнара истакна дека доколку средствата бидат доделени пред предвидениот рок, тој ќе презентира „јасен план“ и „општа визија“ за тоа како ќе се води војната.
Предвидено е ЕУ да ѝ обезбеди на Украина вкупно 90 милијарди евра до крајот на следната година.
Хмара наведе и дека Украина тестирала четири потенцијални пресретнувачи дизајнирани да соборуваат беспилотни летала Шахед, кои Русија сè повеќе ги користи во нападите врз Украина.
Потрагата по контрамерки против беспилотни летала продолжува. Веќе има четири потенцијални пресретнувачи кои можат да соборат Шахеди. На терен се спроведуваат тестови, истакна Хмара.
Според него, следната задача е што побрзо да се подобрат развиените решенија и да се зголеми производството на илјадници единици.
