Унијата на млади сили на ВМРО-ДПМНЕ попладнево пред Владата на Република Македонија симболично оставија неколку саксии со цвеќе, како што велат изреволтирани од висината на тендерот за хортикултурно уредување во вредност од 670 илјади евра.
-Премиере Заев, бидејќи сте огромен љубител на цвеќиња, не штедејќи пари кога станува збор за цвеќе, давате дури и 670 илјади евра од парите на граѓаните за набавка, ние УМС на ВМРО-ДПМНЕ Ви ги даваме овие цвеќиња гратис. Земете ги и заштедете некој денар од парите на граѓаните, стои во пораката на УМС на ВМРО-ДПМНЕ упатена до премиерот Зоран Заев.
