Македонија минатиот јуни не доби датум за преговори, а нема да добиеме ниту овој јуни, се вели во соопштението на ВМРО-ДПМНЕ.
– Земја која е закована на дното на листите за корупција не може да се надева на членство во ЕУ. Земја водена од аболицирани криминалци кои работат по принципот „евро за црквата, евро за Вице” нема да станат дел од ЕУ. Тоа е цената која граѓаните ја плаќаат за лагите на Зоран Заев и неговиот послушник Стево Пендаровски. Губитникот Стево Пендаровски кој никогаш за ништо не носел одлуки е избран од Зоран Заев само за да го штити и прикрива криминалот. Губитникот Стево Пендаровски нема принципи исто како и Заев. Пендаровски ги поддржува неморалните акти на лидери на партии од неговата коалиција кои за пари го продаваа името на државата. Пендаровски молчи за снимките кои ги виде целата јавност затоа што и тој би го продал името за глас на изборите кој би му овозможил да помогне во криминалите на Заев, се вели во соопштението.
Губитникот Пендаровски, се додава натаму, молчи и за криминалот со „Глобал“ од 8 милиони евра и срамната аболиција со која Заев и избега на правдата, затоа што е спремен на се, па дури и на криминал само за да добие на избори.
– Губитникот Пендаровски е во друштво на криминалции и тоа не му пречи. Губитникот Стево Пендаровски е соработник во криминалот. Човек кој што е во криминал, не може да ја придвижи Македонија кон ЕУ. Таквите луѓе се ретроградни и истите ја туркаат Македонија на дното. Државата има потреба од нов тип на политичари, чесни и честити. Гласот за Гордана Сиљановска Давкова е глас за промени, порачува опозициската партија.
