Македонија тоне во зараза од КОВИД-19. На секој час во последните 48 часа имаме по 10 заразени. Само вчера регистрирани се нови 243 случаи, реагира денеска опозициската ВМРО-ДПМНЕ.
Во продолжение целото соопштение:
Заев и Филипче велеа дека бројот на заразени нема да надмине 2.000, а сега тој е 18.602 и е речиси десеткратно повеќе отколку Заев и Филипче не уверуваа.
Заев и Филипче немаат стратегија. Македонија секој ден има нов пик. И нема изгледи за стивнување на бранот.
Состојбата е уште полоша затоа што власта нема соодветни протоколи ниту во градинките ниту во школите. Секојдневно гледаме заразени од градинки и одговорност нема.
Состојбата е алармантна и на полето на починати. Во текот на вчерашниот ден починаа 4 лица, со што бројката на починати се искачи на 753. Заев и Филипче немаат контрола над ситуацијата.
Со Заев и Филипче Македонија само ќе тоне.
И Заев и Филипче мора да понесат одговорност за хаосот во кој сме моментално.
Оставка е морален, но и единствено исправен чекор во моментот. Филипче охрабри се – Поднеси оставка.
Центар за комуникации на ВМРО-ДПМНЕ
