Во израелскиот напад во градот Газа загинаа 20 лица додека чекале хуманитарна помош, соопштија палестинските власти, наведувајќи дека се ранети 150 лица.
Бројот на загинати во нападот вчера врз засолниште во Газа се искачи на 12, додека повеќе од 75 лица се ранети, соопшти агенцијата на Обединетите нации за палестински бегалци.
Израелската војска ја отфрли можноста нејзините авиони или артилерија да се одговорни за нападот, но рече дека истражува.
Можно е зградата да била погодена од ракета на палестинската организација Хамас, тврди израелската армија, пренесува АП.
