Вкупниот број вработени во јавниот сектор изнесува 132 088, кои работат во вкупно 1 346 институции, вели министерот за администрација и информатичко општество, презентирајќи го годишниот извештај за 2021, а говореше и за етничката припадност на вработените – 73% Македонци, а 20% Албанци.
Во споредба со 2020, бројот на вработени во јавниот сектор во 2021 е зголемен за 905. Намалување има кај органите на државната власт за 704, а Алити рече дека минатата година е зголемен бројот на вработени со високи квалификации. Зборувајќи за намалувањето на бројот на административците, рече дека бројот се намалува сам по себе.
Министерот рече дека од 15 март никој кој е вработен во јавната администрација нема да има плата помала минималната која изнесува 18 илјади денари.
