Македонско – граѓани на Република Северна Македонија, вака ќе биде напишано државјанството во личните документи согласно Договорот со Грција, рече денеска премиерот Зоран Заев, одговарајќи на прашање од пратеникот Фадил Зендели од „Беса“.
Заев истакна дека вака ќе стои државјанството, ако, секако, се промени Уставот, односно ако тоа го дозволат граѓаните на референдум.
– Тоа е направено зашто Македонија е мултиетничка земја во која, покрај доминантното македонско население се и албанското, туrското, српското, влашкото, бошњачкото, ромското и другите помали етнички заедници, нагласи Заев.
Долг период, напомена, во делот државјанство во личните документи како пасошот, стоеше само Република Македонија, а последните неколку години стои „македонско“ државјанство.
