За сите македонски државјани се затворени сите гранични премини за излез од државата.
Премините се затворени и за влез на странски државјани, патници и возила, освен за транзит на товарни возила, за претставници на дипломатскиот кор и тие што ќе добијат соодветна дозвола од страна на МВР, по претходно добиено мислење од Главниот координативен штаб.
АМСМ информира дека сообраќајот на државните патишта утрово се одвива по суви коловози. Интензитетот на патните правци надвор од градските средини е умерен. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
