Украинскиот претседател Володимир Зеленски во своето синоќешно обраќање, зборуваше за новите санкции против Русија и ситуацијата на бојното поле, особено во стратешки важниот град Покровск.
Тој претходно тврдеше дека Русија распоредила 170.000 војници во источноукраинскиот регион Донецк за да го освои тоа важно упориште. Во исто време, украински воен извор објави видео кое наводно го прикажува отпорот на украинските сили во Покровск, додека Русија тврди дека таму ги има опколено.
Зеленски рече дека градот не е под руска опсада, но додаде дека Русија сè уште ги концентрира своите сили таму.
Тој рече дека руските сили активно користат беспилотни летала и се обидуваат да ги контролираат патиштата за снабдување на украинските сили, но дека и возвраќаат.
– Денес имаше многу воени извештаи, детали за ситуацијата на бојното поле. Секако, првиот и најважен е Покровск. Ние продолжуваме да ги уништуваме окупаторите, а најважно е да ги спречиме руските напади каде што е можно. Русите сакаат да ја претворат целата наша земја во она што им го прават на Покровска, Купјанска и другите наши градови и заедници. Мораме да ги запреме и да ги уништиме каде и да се“, додаде Зеленски.
