Украинскиот претседател Володимир Зеленски денеска по повод Меѓународниот ден на сеќавање на жртвите на холокаустот истакна дека „рамнодушноста и омразата“ сè уште убиваат луѓе, алудирајќи на руската инвазија врз неговата земја.
„Денеска, како и секој пат, Украина се сеќава на милионите жртви на холокаустот. Знаеме дека рамнодушноста и омразата убиваат. Рамнодушноста и омразата заедно создаваат зло“, истакна Зеленски.
Тој повика „земјите во светот да ја надминат рамнодушноста за да има помалку простор за омраза“.
Зеленски во видеообраќањето не ги именуваше Русија и руската армија.
Инаку, денешниот ден се слави како Ден на сеќавање на холокаустот, за по повод ослободувањето на нацистичкиот логор Аушвиц од страна на руската односно тогашната советска Црвена армија.
