Земјотрес со јачина од 5.2 степени според Рихтеровата скала денеска се случи во близина на албанскиот главен град, Тирана. Земјотресот се почувствува и во Скопје.
Засега нема информации за евентуални повредени или штети.
Земјотресот се случил на 31 километри од Тирана, а бил на длабочина од 2 километри.
Серија земјотреси ја погодија денеска Албанија, при што предизвикаа материјална штета и паника меѓу населението.
Според Рапо Ормени од Сеизмолошкиот институт во Тирана по првиот потрес почувствуван во 11:02 часот, па се до 12 часот, почуствувани се 46 потреси со различна јачина.
– Првиот потрес беше со јачина од 5,2 степени според Рихтер на 31 километар северозападно од Тирана, во подрачјето на заливот Лалзи кај Драч, на длабочина од 10 километри. Можни се и понатаму потреси со помала јачина се додека се смири тлото, изјави Ормени.
Поради паниката голем број граѓани се надвор од своите домови, институциите не работеа повеќе од еден час бидејќи вработените беа надвор, а прекин имаше и во телефонската мрежа. Засега нема информации за повредени но веќе се евидентират оштетувања на објекти. Земјотресот беше почувствуван и во Македонија, Црна Гора и на Косово.
Албанското Министерство за одбрана отвори посебна телефонска линија каде граѓаните може да се јавуваат за било каква информација или потребна помош.
Во сета паника, социјалните мрежи реагираа со иронија, бидејќи местото каде што е најсилниот земјотрес е едно од најубавите на албанскиот брег и го имаат „запоседнато“ политичарите со луксузни вили вредни милиони евра.
– Бог знае каде ја тресе земјата,онаму каде што треба, е најчестиот коментар на социјалните мрежи.
