Улрих Мејер-Хорш, германски актер и режисер, кој има предавано низ Европа, Русија, Ерменија, Бразил, Јапонија, Уругвај, САД, почнувајќи од денеска, па во наредните три дена во Скопје ќе одржи бесплатна работилница за професионални актери и студенти по актерска игра од втора, трета и четврта година, според техниката на Миахил Чехов.
Работлиницата се одржува во рамките на проектот „Мајсторски работилници по актерска игра и театарска режија“ во кино Култура, во организација на Театарот на Навигаторот Цветко.
Првата работилница која се одржа во рамките на истиот проект, беше насловена како „Креативен процес“, под водство на словенечкиот режисер Томи Јанежиќ, со наслов „Креативен процес“ и траеше два дена.
