Во општина Гевгелија вечерва ќе почне одбележување на верскиот празник Христово вознесение-Спасовден, кој е и заштитник, патрон на градот.
Традиционално вечерва ќе одекнат камбаните во црквата „Свети Спас“, која под својот покрив ќе ги собере верниците кои ќе преспијат во храмот за здравје, среќа и бериќет. Наместо курбанот, кој се давал порано, верниците пред да заспијат ќе јадат црковно гравче.
За граѓаните и за гостите поставени се тезги пред црквата, на кои се продава текстил, играчки, храна… Традиционално во Гевгелија за празникот вечер и утре ќе има панаѓур.
