Почитувани пријатели, денес околу 16 часот од домашна изолација бев примен на Инфективната клиника во Скопје, заради повеќедневна покачена температура, објави поранешниот пратеник и министер за надворешни работи, Антонио Милошоски.
Тој натаму во пораката упатена преку Фејсбук вели:
– Други симптоми немам, дишењето е добро, апетитот и расположението исто така. Вчерашниот тест покажа негативни резултати на Ковид19, но по препорака на специјалист од инфективна клиника, денес направивме уште еден тест, чии резултати се очекуваат во текот на утрешниот ден. Ве поздравувам сите, а на моето семејство и на медицинскиот персонал им благодарам за поддршката. Благодарност до сите вас за поздравите и добрите желби за брзо закрепнување. Се гледаме наскоро, се надевам во добро здравје и со добри вести. Ваш, Антонио Милошоски, се вели во објавата.
Како што објавивме пред неколку дена, позитивна на Ковид-19 е мајката на Милошоски.
