Вицепремиерот за европски прашања во заминување Бујар Османи денеска имаше средба со холандскиот амбасадор во Македонија.
– Со холандскиот амбасадор Дирк Јан Коп ја потврдивме евроатлантската ориентација на земјата што беше легитимирана и на последните парламентарни избори, напиша на својот Фејсбук профил Османи.
Османи на средбата посочил дека со својот глас граѓаните дале јасна порака за тоа што очекуваат, каква сакаат да биде, како и тоа кој тие сметаат дека треба да ја предводи идната Влада.
-Останува на водечките политички претставници да обезбедат стабилно политичко мнозинство преку кое ќе ја оправдаат оваа доверба и ќе ги реализираат легитимните барања на граѓаните, напиша Османи на Фејсбук по средбата со холандскиот амбасадор Јан Коп.
