Њујоршката државна обвинителка Летиција Џејм денеска поднесе обвинение против градоначалникот и началникот на полицијата поради обвинувања дека полицијата во Њујорк употребила прекумерна сила во антирасистички протести по убиството на Џорџ Флојд во мај.
Федералното обвинение поднесено до Окружниот суд на Менхетн тврди дека полицијата често и неоправдано користела палки и друга физичка сила против демонстрантите, од кои многумина никогаш не биле обвинети за кривично дело.
Некои демонстранти имаа скршени коски или претрпеа потрес на мозок.
Обвинението додава дека полицијата ги прекршила правата на демонстрантите и нареди обука и надзор за да се обезбеди крај на „незаконските“ практики.
Поради користење прекумерна сила, Џејмс ја обвини полицијата за приведување стотици демонстранти, медицински персонал и набљудувачи без добра причина. Таа исто така ја обвини полицијата за масовни апсења, притвори и малтретирање на демонстрантите.
Градоначалникот Бил Де Блазио изјави дека поддржува големи дисциплински реформи, но се спротивставува на обвинението.
