Американските банки годинава ќе забележат рекордни нивоа на приходи, анализира Институтот за меѓународни финансии (IIF) за Си-Ен-Би-Си.
– Оптимизмот произлегува од податоците за закрепнување на американската економија. Ова ќе го зголеми нивото на кредитиреање и таксите што ги добиваат банките, изјави извршниот директор на организацијата Тим Адамс.
– Во исто време, зголемената инвестициска активност ќе ги зголеми приходите од трговија, додаде експертот.
Позитивни очекувања може да се видат при тргување со акции на банка. На пример, акциите на Голдман Сакс пораснаа за скоро 41 отсто од почетокот на годината. Акциите на Банката на Америка се исто така за повеќе од 40 отсто поскапи, а Џеј-Пи Морган додаде 29 отсто на својата пазарна цена.
Многу од водечките банки во САД објавија извештаи за пазарот за првиот квартал, што ги надминаа очекувањата на финансиските аналитичари. Американската економија почнува да излегува од кризата предизвикана од пандемијата на коронавирусот. Но, аналитичарите исто така се загрижени дека брзото закрепнување ќе ја забрза инфлацијата, што би значело дека Федералните резерви ќе ја заострат својата монетарна политика порано отколку што се очекуваше.
