Зоран Заев ја има заробено државата, судскиот систем, институциите и целиот општествен апарат. Власта функционира мафијашки.
Ова во своето видео обраќање го истакна потпретседателот на ВМРО-ДПМНЕ, Владо Мисјаловски. Текстот од обраќањето го објавуваме интегрално:
Извештајот на Стејт Департментот на САД потврдува дека Зоран Заев и неговата влада ја зацементирале Македонија на дното. Се нотира корупција, криминал, поткуп на државни службеници, селективност на правдата и злоупотреба на законските процедури.
Нашите стратешки партнери нотираат злоупотреба на скратените постапки во Собранието. Тоа е работа против која ВМРО-ДПМНЕ континуирано се бори, но и постојано збори.
Законите не се прават врз основа на праксата и реалните потреби, и често се туркаат низ Собранието со скратени постапки, се вели во извештајот и се додава дека законите на хартија се во ред, но од друга страна не се имплементираат што претставува проблем и за граѓаните и за бизнис заедницата.
Според извештајот на Стејт Департментот, иако Македонија има законска регулатива за спречување на злоупотреба на јавните функции и судирот на интереси, но спроведувањето на законите во тој дел е многу слабо и е насочено селективно кон критичарите на власта и ситни прекршители на законите, додека против високи претставници на власта нема ништо.
Стратешките партнери нотираат и постојани појави на непотизам при јавните набавки, а владата не нуди дополнителна заштита за невладините здруженија кои ја истражуваат корупцијата во нејзините редови.
Дека власта изгубила допир со реалноста и не работи за народот и бизнисот го нотираат и големите компании присутни во Македонија. Во Извештајот се вели дека голем број на компании кои работат во Македонија, вклучувајќи и неколку американски компании ја идентификувале корупцијата при јавните набавки и во судството како главен проблем.
Ова е најнегативниот Извештај што Стејт Департментот го дал за Македонија, ова е сурова реалност која ја живееме со корупција, непотизам и конфликт на интереси при јавни набавки, а секако и огромна селективност во правосудството, се гонат ситни риби, а главните не одговараат.
Ова е слика за системот на Заев полн со поткуп и криминал на јавните функционери, со судски систем подлежен на корупција. Ова е суровата реалност денес.
ВМРО-ДПМНЕ има план и стратегија. Корупцијата, криминалот и поткупот ќе станат минато.
Јавната администрација ќе функционира непречено, а судството и ЈО без притисоци.
Ќе го вратиме владеењето на правото.
Време е за Македонија за сите луѓе!
Центар за комуникации со јавноста на ВМРО-ДПМНЕ
