НИКОЛОВСКИ: Ние побаравме 50.000 тони, а од коморите во Србија велат дека ќе ни дадат 100.000 тони пченица, денеска се крева рампата за увоз

Во 13 часот денеска српската влада треба да ја донесе одлуката за тргање на забраната за извоз на пченица во земјава.

Како што соопшти министерот за земјоделство, шумарство и водостопанство Љупчо Николовски на брифинг со новинарите, тој веќе контактирал со надлежните од Србија. Веднаш  штом биде крената „рампата“, увозот може да почне.

– Српските комори велат дека станува збор за 100 илјади тони пченица наменети за нашите компании, а ние имавме пуштено барање за 50 илјади тони, информира министерот Николовски.