ЗАКАНИ ОД ЖУРАВЉЕВ: Финска ако сака во НАТО со една Сатана ќе ја збришеме за 10 секунди, а од САД ќе остане нуклеарен пепел

Заменик претседавачоот на одборот за одбрана на руската Дума, Алексеј Журављев и се закани на Финска.

Како што пренесува таблоидот Дејли мејл, рускиот званичник на Финска, која сака да влезе во НАТО, и порачал дека ќе ја избрише за 10 секунди.

– Ако Финска сака да се приклучи на овој блок, тогаш нашата цел е апсолутно легитимна, да го доведеме во прашање постоењето на оваа држава. Ова е логично. Ако Соединетите држави ја загрозат нашата држава, тоа е добро: еве ви го Сармат (ракета Сатана-2), а од вас ќе остане нуклеарен пепел ако мислите дека Русија не треба да постои, наводно рекол Журављев.

Тој, според Дејли мејл, додал:

– А Финска вели дека е едно со САД. Па застанете во ред. Финците воопшто треба да бидат благодарни на Русија на државноста, на фактот дека Финска постои како држава – рекол Журављев и додал дека Русија на финската граница нема да има стратешко оружје, туку Кинџали, кои до Финска ќе стигнат за 20 или и за 10 секунди.

Војната во Украина почна, меѓу оснатото и затоа што Кремљ сака да го спречи ширењето на НАТО на Исток. Финска со години е неутрална, но после инвазијата врз Украина реши дека сака да се придружи на Алијансата.