Владејачката СДСМ и денеска со соопштение удри по локалната власт, таму каде што ја предводи опозицијата, и обвинува дека ништо не работи само го поскапува животот на граѓаните.
СДСМ, кој ја предводи Владата која енормно ги зголеми цените на лебот, храната и други производи сега ја обвинува опозицијата и локалната власт дека таа го поскапувала животот на гражаните.
Еве го целото соопштение од СДСМ:
Градоначалниците од редовите на ВМРО-ДПМНЕ се симбол за неспособност и неработење.
Измина година и половина од нивниот мандат, а граѓаните не видоа реализација на ниту еден капитален проект, никакво решение за унапредување на квалитетот на живот.
Но, затоа граѓаните на десетици општини добија поскапи комунални услуги, а сега Град Скопје, Охрид, Ресен и Кочани се единиците кои бараат драстично зголемување на цената на водата иако речиси сите комунални претпријатија добиваат електрична енергија по повластена цена.
Големи и финансиски општини како Аеродром, Прилеп, Гази Баба и Бутел планираат да ги задолжат своите граѓани со општински обврзници за кои никој не знае како ќе се потрошат парите од таквите задолжувања.
Но, тоа не ги спречува градоначалниците од ВМРО-ДПМНЕ и оваа година да потрошат десетици милиони евра на времени вработувања на партиски кадри во општините и претпријатијата и установите под нивна надлежност.
Ете тоа е учинокот на градоначалниците од ВМРО-ДПМНЕ. Ништо не се менува во Белиот дворец, партијата предводена од Христијан Мицкоски се грижи само за личните и бизнис интереси на поединци, додека ги игнорира потребите на граѓаните.
Центар за односи со јавноста на СДСМ
