Премиерот Димитар Ковачевски, на заедничката прес-конфернција со премиерот на Хрватска Андреј Пленковиќ, го коментираше хрватскиот модел на Устав, кој го бараше опозициската ВМРО-ДПМНЕ.
– Мислам дека ни е потребен консензус за прашањето на нашето членство на ЕУ. Опозицијата бара хрватски модел, една друга партија спомена швајцарски модел, но нас ни треба модел кој ќе одговара на македонското општество и на нашите закони. Јас сум да донесеме уставни измени со кои ќе ги отвориме кластерите и ќе станеме земја членка на ЕУ до 2030 година со заштитен македонски јазик и со заштитена култура и идентитет, рече Ковачевски.
Инаку, порано Ковачевски го посочуваше Уставот на Хрватска како модел на земја членка на ЕУ за решавање на проблемот со вметнувањето на Бугарите и други национални малцинства во македонскиот Устав.
