Единицата за економски и компјутерски криминал при СВР Скопје поднесе кривична пријава против И.И.(63) од скопско Арачиново поради постоење основи на сомнение за сторено кривично дело „даночно затајување“ по член 279 од Кривичниот законик.
– Пријавениот, во текот на 2020 година преку сопствената банкарска трансакциска сметка во вкупно 18 наврати реализирал прилив на парични средства во вкупен износ од 4.837.240 денари, за кои до Управата за јавни приходи не пријавил и не платил данок на личен доход во износ од 10% или 483.724 денари и за тој износ го оштетил Буџетот на РС Македонија, соопшти МВР.
