Папскиот пратеник за решавање на кризата меѓу Русија и Украина, кардинал Матео Зупи, смета дека Пекинг е „важен и незаменлив ресурс“ кој може да помогне во решавањето на украинскиот конфликт.
„Нешто се движи. Бев во Киев и Москва. Бев во Вашингтон и Пекинг. И Русите и Украинците ја препознаваат улогата на Светата столица. Нунциите во двата главни града прават прекрасна работа. Секако дека би сакале да видиме многу повеќе резултати во однос на враќањето на децата. Нема да пропуштиме ниту една прилика да го направиме тоа“, рече тој во интервју за весникот „Кориере дела сера“.
Според кардиналот, „не може да биде така, дека не треба да има ништо друго освен оружје, за да се стави крај“ на конфликтот.
„Кина е голем и незаменлив ресурс. И секако со сигурност може да помогне да се постигне мир во Украина“, рече Зупи.
Италијанскиот кардинал истакна дека Светата столица го поддржува учеството на меѓународната заедница во решавањето на проблемот.
„Мора да се ослободиме од логиката дека воената победа е единствената опција, а дијалогот е капитулација“, рече кардиналот.
Фото: МИА архива
