Обвинителството во Берлин денеска соопшти дека еден 95-годишен маж бил обвинет за повеќе од 36.000 точки за соучество во убиство додека бил чувар во концентрациониот логор Маутхаузен.
Ханс Вернер Х., чие презиме не беше објавено поради регулативите за приватност, беше обвинет дека бил чувар на СС- единица од средината на 1944 до почетокот на 1945 година.
Во тој период, повеќе од 36.000 луѓе биле убиени во логорот, главно во гасната комора.
Обвинетиот не беше обвинет за некое конкретно убиство, но обвинителството посочи дека како чувар помагал да функционира логорот.
Се верува дека 95.000 лица биле убиени во Маутхаузен, вклучувајќи 14.000 Евреи.
Меѓу жртвите имало и советски воени заробеници, Шпанци, кои се бореле против генералот Франческо Франко, како и други жртви.
Според годините, чуварот е роден во 1923 година. Нејасно е како можело тој мирно да си ги проживее годините по Втората светска војна, како што останува и прашањето колкумина како него се извлекле за учество во злосторствата во војната.
