Москва ги смета воените вежби на Финска што се одржаа во близина на руската граница како провокација на НАТО, изјави заменикот портпарол на Министерството за надворешни работи на Русија, Андреј Настасјин, на брифингот во средата, пренесува ТАСС.
– Ние ги гледаме финските воени маневри во близина на руската државна граница од 21-26 јули, кои вклучуваа околу 1.700 војници и 300 транспортни возила, како составен дел од сеопфатните провокативни напори на НАТО да ја задржи Русија, рече Настасјин.
Хелсинки спроведува такви активности како дел од забрзаната интеграција на Финска во Северноатлантската воена алијанса, посочи тој.
– Гледаме дека политичкото раководство на таа северноевропска земја, во состојба на длабока и неоправдана русофобија, доброволно ги жртвува сопствените национални интереси, претворајќи ја некогаш добрососедската Финска во испостава на воените аспирации на НАТО во Балтичкото Море и Арктикот, потенцираше рускиот дипломат.
М.П.
ФОТО: Азер Њус
