Руските сили извршија масовен напад врз енергетските капацитети кои ја снабдуваат украинската воена индустрија, соопштија руските новински агенции, повикувајќи се на Министерството за одбрана во Москва.
Погодена е и аеродромската инфраструктура на украинската армија, додаваат од воениот оддел.
Претходно денеска, украинскиот претседател Володимир Зеленски објави дека Русија лансирала околу 120 проектили и 90 беспилотни летала во масовен „комбиниран“ воздушен напад врз енергетскиот сектор на Украина. Зеленски изјави дека украинската противвоздушна одбрана соборила повеќе од 140 воздушни цели минатата ноќ.
