Хрватските медиуми денеска се преполни со фотографии од празни дуќани, откако граѓаните беа повикани на општ бојкот не само на продавниците, туку и на услугите, односно на блокирање на платежните трансакции во земјата.
Бојкотот во Хрватска го иницираше интернет платформата „Ало инспектори“, а минатиот петок беше успешно спроведен бидејќи прометот и износот на фактурите беа намалени речиси за половина.
Малопродажниот ланец „Кауфланд Хрватска“ денеска објави пониски цени за повеќе од 1.000 производи, почнувајќи од 5 февруари.
Овој малопродажен синџир најави дека секоја недела на своите клиенти ќе им обезбедува повеќе од 1.800 производи по промотивни цени.
Најавеното намалување на цените, наведоа оттаму, е дел од нивните континуирани напори основните прехранбени производи и производи да им бидат достапни на граѓаните по најповолни цени.
„Свесен за промените на пазарот и предизвиците при управувањето со буџетот на домаќинствата, Кауфланд се стреми да остане сигурен партнер во секојдневното купување со широк асортиман од просечно 19.000 производи кои ги задоволуваат различните потреби на потрошувачите“, соопшти компанијата, пренесе Хина.
Вчера пониски цените на 250 производи, покрај 70-те чии цени Владата ги ограничи, најави и трговскиот синџир Конзум.
Маркетите и трговските центри низ Хрватска празни, во тек голем бојкот
Во Хрватска на повик на платформата „Ало, инспекторе“ од вчера се одвива најавениот неделен бојкот на трговските синџири „Лидл“, „Еуроспин“ и „ДМ“ и три производи – Кока-Кола и други газирани пијалоци, флаширана вода и детергенти за миење садови.
Денеска е општ бојкот на се. Платформата „Ало, инспекторе“, која ги организира бојкотите, ги повикува потрошувачите денеска да не купуваат ништо никаде.
-Еднодневен бојкот. Од се. Денеска ништо не купуваме. Ниту физички, ниту онлајн. Ништо не плаќаме, напишаа тие.
И во Црна Гора денеска започна еднодневен бојкот на големите маркети, на кој повикаа невладините организации и синдикатот, поради високите цени на храната.
фото: Архива
