АПСЕЊЕ ВО КРИВОПАЛАНЕЧКО: МВР ги упаси С.Ф. (44) и неговите синови З.Ф. (24) и С.Ф. (19) кои се осомничени дека го убиле Љ.С. (84)

Полицијата вчера попладне лиши од слобода три лица од кривопаланечкото село Луке, двајца синови и нивниот татко. Тие се сомничат за убиство на нивен соселанец.

-Полициски службеници од ОВР Крива Паланка ги лишиле од слобода З.Ф. (24), С. Ф. (19) и С.Ф.(44). Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат, информира МВР.

Старецот бил пријавен за исчезнат од неговата ќерка, а телото на Љ.С. било пронајдено закопано во непосредна близина на неговата куќа во с. Луке. Полициски екипи на местото извршиле увид.

По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава.