Британскиот премиер Кир Стармер објави дека подмолен сторител извршил терористички чин, по неодложната средба на комитетот Кобра во Даунинг стрит.
Тој изјави дека напаѓачот „ги нападна Евреите затоа што се Евреи и ја нападна Британија поради нашите вредности“.
Премиерот се обрати директно до еврејската заедница во земјата, велејќи: “На секоја еврејска личност во оваа земја исто така сакам да ѝ кажам: Знам колку страв носите во себе, навистина знам. И затоа, во името на нашата земја, изразувам солидарност, но и тага што сè уште мора да живеете со тие стравови. Никој не треба да го прави тоа. Никој. И затоа ви ветувам дека ќе направам сè што е во моја моќ за да ви ја гарантирам безбедноста што ја заслужувате, почнувајќи со поевидентно полициско присуство кое ќе ја штити вашата заедница.”
Стармер додаде: “Ви ветувам дека во наредните денови ќе видите една поинаква Британија, Британија на сочувство, пристојност и љубов”.
Тој нагласи дека ова не е нова омраза, туку таква што „повторно расте“ и дека Британија мора „повторно да ја порази“. Комитетот Кобра, или Cabinet Office Briefing Room A (COBRA), има за цел да овозможи донесување одлуки на највисоко ниво во кризни ситуации.
Претходно, полицијата во Манчестер информираше дека најмалку две лица загинале во напад со возило и нож во близина на синагога во градот, и дека „уште тројца граѓани се сè уште во сериозна состојба“.
