Во текот на следната година, Владата донесе одлука да набави 100 возила за Итната медицинска помош, информира премиерот Христијан Мицкоски, одговарајќи на новинарско прашање за време на промоцијата на новите возила за македонската полиција.
-Вредноста на тој проект е околу седум ипол милиони евра. Во 2027-ма година ќе бидат набавени уште 50 како резултат на донација. Значи отприлика околу 150 нови возила за Итната медицинска помош ќе имаат здравствените домови. Во Скопје се вози само со 7 исправни возила, а има многу градови кои немаат исправно возило на Итна медицинска помош. Зошто? Затоа што со децении ништо не се направило, рече Мицкоски.
