Д-р Сабина Хазан е американска гастроентерологка и истражувачка на цревниот микробиом. Работи во Калифорнија и има повеќе од 30 години искуство во гастроентерологија и клинички истражувања. Таа е основач на компанијата ProgenaBiome, која се занимава со истражување на микробиомот (бактериите што живеат во човечките црева).

Најпозната е по своите истражувања за врската помеѓу цревниот микробиом и разни болести, вклучувајќи инфекции, воспалителни заболувања на цревата и други состојби. За време на пандемијата со Ковид 19 стана попозната во јавноста поради нејзините ставови и истражувања поврзани со микробиомот и имунитетот.

Според нејзините професионални биографии, дипломирала медицина на Dalhousie University Faculty of Medicine и е сертифицирана во гастроентерологија и интерна медицина.

Ова е нејзиното сведоштво во Сенатот на САД од 3 јуни за Ковидот:

„Јас сум д-р Сабин Хазен, гастроентеролог-истражувач. Повеќе од три децении, вршев стотици клинички испитувања за водечки фармацевтски компании. Мојата работа придонесе за пласирање на пазарот на биолошки лекови, антибиотици и вакцини.

Иако овие достигнувања им помогнаа на пациентите, тие исто така открија критични празнини во нашето разбирање на човековото здравје, особено на цревата и на микробиомот. Микробиомот, вашите бактерии во вашите црева, се вашиот имунитет. Истражувањето на микробиомот минути е во повој. Мојата цел беше едноставна, ригорозно да го проучам микробиомот и мојот тим, локален лекар и јас започнавме 61 клиничко испитување за активно да ја разбереме поврзаноста на цревата со различни болести како Алцхајмерова болест, аутизам, Паркинсонова болест, канцер. Ова е прецизна медицина грижејќи се за уникатниот микробиомски потпис на секој пациент….Со појавата на Ковид се најдов во интересна позиција. Имавме труд, кој потоа беше повлечен.

Морам повторно да истакнам дека ова беше значаен научен труд кој покажа присуство на Ковид во столицата на клинички пациенти, а не во септички резервоари, туку кај вистински клинички пациенти.

Додека ги анализиравме примероците од столица, откривме дека хидроксихлорокин и азитромицин (сумамед, н.з,.) го намалуваат присуството на вирусот Ковид. Со други зборови, Ковид исчезнуваше кај пациентите кои ги примаа овие лекови.

Меѓутоа, овие лекови исто така го уништуваа микробиомот. Тоа беше важното откритие за време на пандемијата, секој човек е различен и на секого му е потребен различен третман.

Исто така е важно да се напомене дека за време на пандемијата лекував пациенти под надзор на ФДА. Всушност, напишав три протоколи: хидроксихлорокин наспроти плацебо и ивермектин со доксициклин наспроти плацебо. Во текот на целиот период додека ФДА го следеше нашето работење, не изгубивме ниту еден пациент. Никој не почина за време на мојата смена.

Инаку, сум лекувала илјадници пациенти. Зарем јавноста не сака да знае како ги лекував? Кои критериуми ги користев за да одлучам кој третман ќе го добие секој пациент?

Спроведовме анализа на овие лекувани пациенти и забележавме дека терапија со повеќе лекови базирана на ивермектин им помагала на пациенти со тешка хипоксија (состојба при која ткивата во телото не добиваат доволно кислород за нормално да функционираат, нз.). Овие податоци беа објавени во 2022 година по осум месеци ригорозна рецензија од научни експерти, а потоа трудот беше повлечен во март 2025 година.

Исто така објавивме податоци за кардиолошката безбедност од нашето клиничко испитување од втора фаза, во кое беа користени хидроксихлорокин и азитромицин. Ќе се потсетите дека за време на пандемијата постоеше загриженост дека хидроксихлорокинот и азитромицинот можат да предизвикаат срцеви проблеми.

Мојот тим ги ризикуваше сопствените животи поставувајќи Холтер монитори на пациентите за да го следиме и регистрираме продолжувањето на QT-интервалот (дел од електрокардиограмот (ЕКГ) кој го мери времето потребно срцевите комори (вентрикулите) да се контрахираат и потоа повторно електрично да се подготват за следниот отчукување, н.з.), но не забележавме продолжување на QT-интервалот. Овие податоци ги објавивме во декември 2024 година. Трудот беше повлечен во февруари 2025 година.

Овие повлекувања на научни трудови постојано ја доведуваа во прашање изводливоста на раниот третман.

Запомнете, ако го прифатеа третманот, вакцините немаше да бидат одобрени.

Сепак, нашето најзначајно откритие беше за бифидобактеријата… исклучително важно откритие бидејќи откривме дека пациентите со тежок Ковид немаат бифидобактерии.

Исто така откривме дека луѓето со аутизам, Алцхајмерова болест, Кронова болест, Лајмска болест, иритабилен синдром на дебелото црево, ментално здравје, инвазивен рак, немаат бифидобактерии. Бифидобактериите се појавуваат кај младите на високо ниво и исчезнуваат како што старееме. Откривме дека витаминот Ц, говедскиот имуноглобулин и ивирмектин, ферментиран производ на бактерија наречена стрептоцис, би можеле да помогнат во зголемувањето на бифидобактериите.

Дали затоа гледавме дека евентуално се подобруваат пациентите со хипоксични заболувања? Напишав хипотеза дека можеби ивермектин ги подобруваше бифидобактериите, но таа хипотеза беше објавена и повлечена во 2023 година. Кога хипотезата е повлечена, ја губиме науката и медицината. Потоа презентиравме податоци за вакцините и откривме дека вакцините го убиваат микробиомот, поточно бифидобактериите. Ако го следите исчезнувањето на бифидобактериите во цревата, почнувате да ги разбирате болестите.

Почнувате да гледате зошто новороденчињата, едно од 12 деца во Калифорнија, имаат аутизам. Ако ги погледнете податоците кои штотуку излегоа, покажаа дека кај новороденчињата, само 25% од нив се раѓаат со соодветни нивоа на бифидобактерии.

Значи, ако ги вратите бифидобактериите како што направивме во нашата лабораторија кај деца со аутизам, всушност ќе го продолжите говорот што е она што го покажавме кај двајца близнаци каде што ги вративме бифидобактериите…

Но, главниот немедицински научник кој ги критикуваше моите трудови има патент за микробиомот. Може ли вие да кажете дека има конфликт на интереси?… Ви благодарам!“

МИА