Градоначалникот на Скопје Орце Ѓорѓиевски упати апел до граѓаните: „Грижата за Скопје нема паузи, празници ниту продолжени викенди. Само со заедничка одговорност можеме да го зачуваме чист, уреден и убав.“ Ова се истите фрази што прво ги презеде Мицкоски од Вучиќ, а сега се шират кај функционерите на ВМРО-ОКГ. Тие „работат нон-стоп“. Не спијат. Не знаат за одмор – знаат само за екскурзии. Оваа циркуска претстава на Мицкоски почна да гостува низ сите градови на Македонија, стои во реакцијата на СДСМ на објавата на скопскиот градоначалник Орце Ѓорѓиевски.
Во продолжение целото соопштение од партијата која секој ден удира како „Максим по дивизија“, а за да направи каква-таква белја врз власта, не се воздржува од злоупотреба на претседатели и премиери и на други држави, како што во случајов е претседателот на Србија, Александар Вучиќ. Во продолжение од збор до збор, интегрално, што опозициската СДСМ смисли за скопскиот градоначалник за да ја омаловажи неговата работа која е очигледна:
Колку е неспособен „дрон-градоначалникот“ Орце, што мора да ги повикува граѓаните да чистат, затоа што тој самиот не може да го реши ѓубрето во главниот град?
Оперира со дронови, ја испитува водата од воздух, вози Орбанови high-tech автобуси по препорака на Груевски…
Следно очекуваме да ја повика НАСА во Скопје.
А ѓубрето не може да го реши.
Не знае кој го загадил Лепенец и Вардар.
Билборд не знае да направи без грешка.
Сѐ уште не знаеме колку платил за АИ-решението, дали фирмата добила негативна референца и дали има лична врска со него.
Кога градоначалникот повикува граѓани да чистат – тоа е признание дека тој самиот не може.
Фото: архива
