На украинскиот пазар за недвижности се појави необичен оглас: Добро одржувана селска куќа се продава за само 3.500 американски долари (3.110 евра). Снимките од куќата брзо се проширија на социјалните мрежи и предизвикаа бројни коментари, објавува украински „Фокус“.
Куќата се наоѓа во селото Приднистријанско, во Виничката Област. За 3.110 евра, сопственикот нуди куќа во добра состојба, комплетно опремена со мебел, помошни објекти и свое земјиште.
Куќата е подготвена за вселување и, според огласот, не бара дополнителни вложувања за поправки или опремување. Ентериерот го задржува традиционалниот селски стил, со својствените долги теписи на подот, ѕидни теписи и печки за греење изработени по нарачка.
Фото: Социјални мрежи
